بمناسبة كأس الأمم الأفريقية

بقول لهم
مين إلى بيعيط بحرقة ده ؟
قالوا لى
مواطن إتصور وهو بينضرب
قلت لهم
ومين إلأمور إللى بيضحك دة ؟
قالوا لى
واحد عامل شوية كوارث وهرب
قلت لهم
والدنيا عتمة هناك كدة ليه ؟
قالوا لى
حتة جديدة بتتخرب
قلت لهم
ومين الحاوى إللى بيتكلم دة ؟
قالوا لى
دة الوضع بيتقلب
قلت لهم
وإيه الهيصة إللى فى الساحل الشمالى دى
قالوا لى
دى البقرة بتتحلب
قلت وانتم قلقانين كدة ليه ؟
قالوا أصل بنلاعب الكاميرون وخايفين نتغلب