هل يكفي جمال الروح؟

سندريلا كتب:ممكن بس مش لدرجة انة 0% الشكل الخارجى
لية ميكونش فى توافق بين الاثنين
شكرا ليك يامحمود

MASTER كتب:إعتراض

مفيش 0% جمال
مهما كان قلة جمال المرء ( ذكر أو أنثى )
سوف تجد أن لو دققت انه يوجد التماثل أو السمترية و( نكتبها بالعربى ) فالسمترية تجعل من أى شيئ جميل ( أمثلة كبيرة ) تشريح جسم الانسان ، ربنا خلق النصف الايسر متماثل مع الايمن حتى لو كان ظاهريا انما التماثل واضح ومفيش خلاف نمسك الوجه لو حكيتلك عن تماثل الوجه ( سبحان الله ) من الاشياء المعقدة ونسب التقسيم والابعاد والارتفاعات أشياء الانسان العادى لا يراها ، لا يراها إلا الدارس أو أطباء التجميل أو محترفى التصوير والفنانون أولهم .
إذن مفيش 0 % جمال ونرجع للموضوع ( وانت تسير فى الطريق هل لاحظت أنه يسير أمامك ست ولا فلقة القمر ومعاها راجل زى ما أنت بتقول قبيح أو العكس راجل زى البدر ومعاه واحدة مش ولابد ( وحشة يعنى ) .
والله فعلا جمال الروح أهم حاجة وزى ما اتفقنا مفيش وجه وحش أو قبيح ودائما أنظر للناحية الايجابية .
طولت عليك .. تقبل تحياتى

el-pop كتب:بص يا حوده انا رأى زى ماهو مهم جمال الروح برضه مهم الجمال الخارجى بس بمعايير يعنى الحلوه فى نظرك ممكن تكون وحشه فى نظرى والعكس والمثل يقول (لولا اختلاف الازواق لبارت السلع )طبعا مش قصدى ان البنات سلع انا بتكلم كلام عام
وسورى يا حوده مفيش حد وحش زى ما بيقولوا( القرد فى عين امه غزال )
انت فاهم قصدى دى معايير وبرضه مش شرط الجمال فقط يعنى انا معايا بنت فى الكليه زى القمر جميله جدا تيجى تتكلم معاها تحس انك بتكلم مع عقليه تافه يعنى رغم جمالها الجبار مستحيل ارتبط بيها وشكرا ياحوده على الموضوع

hoss65 كتب:اعتقد ان المقصود ان جمال الروح هو الأهم لأنة مع مرور الوقت والزمن يذهب جمال الشكل وتظهر تجاعيد الزمن على الوجوه ولكن جمال الروح يبقى كما هو خفة الدم والروح المرحة تبقى فى الإنسان مثلا حتى لو عندة سبعين سنة وشكلة يتغير
والجمال نسبى فعلا ساعات كتير ترى اتنين ومتعرفش بيحبوا بعض على اية فى كل منهم ولكن لهم وجهة نظرهم وساعتها يقولولك ( خد عينى وشوف بيها )
شكرا يامحمود موضوعك رائع

magedelzamalkawy كتب:لازم يبقي فيه توافق بين جمال الروح وجمال الشكل

KHALOUDA كتب:انا اعتقد ان فى ناس كتير حولين ويجمعوا بين جمال الروح والشكل وبرضوا لو كان الانسان دة متوسط الجمال يكفية جمال الروح

نور الاسلام كتب:

اكيد لازم يكون فيه جمال الروح
فى نفس الوقت ميكنش قبيح يعنى
التعادل كويس