من سنين وانا بكتب كلام

من طرف محمد الجندى السبت فبراير 16, 2008 6:23 pm

من سنين وانا بكتب كلام
ياما جمّع عشاق وزيّن امانيها

اشعار من سِحرها ناح الحمام
ونجوم السمَا رقصت على قوافيها

ياما هديت قلوب على طريق الغرام
وياما شفيت جروح عِجز الدوا فيها

ياما سهرت علشان عيون غيري تنام
وياما زرعت ورود غيري يجنيها

والنهارده سهران وحدي مع الاقلام
زى نجمة مستنيه الفجر حتى يطفيها

معايه صدى ضحكتك الاحلى من الانغام
أقد اى كنت بفرح كل ما تضحكتيها

وحدي انا ودخاني وذكراكي والالام
ودمعة من عيونك على هدومى نسيتيها

وحدي انا ووعودك وصورك والاوهام
وحكاية حب انتهت قبل ما ننهيها

يا حلوة الحلوين نامي مع الاحلام
وانسي هموم الحُب لو تقدرى تنسيها

وكل ما جِيت على بالك وحنيتي للايام
اليّ كنت بصحِيكي فيها بنُص لياليها

افتحي عيُونك وبصى ل قُدّام
حتلاقي ستايِرِك اليّ قفلتِيها

وراها واقف القمر وحامِلك منِي سلام
بوسِي جبين القمر وقوليلو: وديها