الرئيسية
البوابة
أحدث الصور
التسجيل
دخولحوار عام 2040 ....بين الجد والحفيدة
+2
نور الاسلام
hoss65
6 مشترك
صفحة 1 من اصل 1
حوار عام 2040 ....بين الجد والحفيدة
من طرف hoss65 الأحد فبراير 24, 2008 5:28 pm
الحفيدة : جدو تامر إزيك .. حلو البدي اللي انت لابسه ده . بس ده موضة قديمة قوي يا جدو
الجد : يا بنتي أنا راجل دقة قديمة وبالبس زي ما جيلنا اتعود وحسب التقاليد القديمة بتاعتنا
الحفيدة : أيوه بس مش حاسس إنك مخنوق وانت لابسه؟
الجد : أبداً ده هو ده اللبس المحتشم اللي مفروض الكل يلبسه
ويحافظ عليه .. فين أيام زمااااااان لما كنا نلبس البدي اللي مبين البطن
والظهربس، مع البنطلون السترتش الجلد والجوانتي الجلد... كانت حاجة
آخر روشنة
الحفيدة : ياه يا جدو .. ده انتوا كان ليكم تقاليد غريبة خالص
الجد : وهو انتي فاكرة إن أيامكم دي أيام؟ يا بنتي أيامكو دي ما
يعلم بيها إلا ربنا .. فين أيام سنة 2008م ، هو الواحد فينا كان
يستجري يشرب سيجارة البانجو ولا يسحب له سطر بودرة قدام أبوه؟ طب ده
الدنيا كانت تتقلب ساعتها وما تتعدلش .. أمال إيه .. كان فيه حاجة
اسمها أخلاق
الحفيدة : معقول يا جدو؟ للدرجة دي؟؟
الجد : أمال انتي فاكرة إيه .. وبعدين كانت الست من دول ما تلبسش
اللبس الخليع بتاع اليومين دول .. يعني الجيبة كان لا يقل طولها عن
شبر ونص .. وكانوا الستات يلبسوا فوقيها بلوزة باستمرار ..مش زي دلوقتي
الحفيدة : يا خبر .. وإيه كمان ياجدو
الجد: ح أقول لك إيه ولا إيه .. يعني خدي عندك مثلاً .. زمان كنا
نسمع الطرب الأصيل لمطربين حقيقيين زي مصطفى قمر ، وعمرو دياب ،
وكانت الأغنية مدتها أكثر من دقيقتين متواصلين من الطرب الأصيل
والسريعة الروشة اللي تعمر النافوخ بصحيح كانوا مطربين روشين طحن
وكله كوم والست كوم تاني
الحفيدة: ومين الست دي يا جدو؟؟؟
الجد: في حد مايعرفش الست...نانسي عجرم طبعا
الحفيدة : وبعدين
الجد : وبعدين كنا نسمع على حاجة اسمها اسطوانات ليزر ، ودي صحيح
انقرضت ، بس
كان ليها طعم عن دلوقتي ، يا سلام لما كنا نحطها في الووكمان ونعلقه
في حزام البنطلون ونمشي في الشارع كده ولا ال أم بى ثرى وال أم بى فايف ،، كانت أيام جميلة
الحفيدة : حكاويك ممتعة قوي يا جدو .. ثانية واحدة بس لما أصحي
سوسو صاحبي
لأنه بايت معايا في الأودة من امبارح ..
)بعد عشر دقائق) هيه يا جدو .. وبعدين
الجد : أحلى أيام بقى كانت أيام الدراسة ، الفصل كان على أيامنا
رايق وعدد التلاميذ فيه ما يزيدش عن ستين سبعين تلميذ ، وكنا ساعتها
بنعرف نفهم الدرس كويس مش زي دلوقتي ، وكانت الشوارع أيامها فاضية
لأن مصر كلها كان تعدادها 70 مليون مش أكثر ، تخيلي بقى الروقان
اللي كنا فيه؟الحفيدة : 70 مليون بس؟
الجد : أمال إيه .. علشان كده كانت كل حاجة رخيصة ، يعني مثلاً
كيلو اللحمة يوم ما يضربه الدم كان يبقى بخمسة وعشرين جنيه أو بخمسة
وتلاتين جنيه ، وكان أتخن جوز جزمة بمتين وخمسين جنيه ، وكان الواحد
يقدر يشتري شقة تمليك بـ 350 الف جنيه بس .. وكان الدولار بستة جنيه
بس تخيلي بقى؟
الحفيدة : ما هو علشان كده كان الجواز على أيامكم كان سهل خالص
الجد : أمال .. ده احنا الواحد مننا كان بمجرد ما يوصل سن 35 سنة
يبتدي يفكر في الجواز على طول ، وما كانش عندنا الأفكار الغريبة
اللي بتعملوها دلوقتي زي إن البنت تقعد مع الولد كام سنه قبل الجواز
علشان يتعرفوا على بعض أكثر زيك انتي وسوسو صاحبك ، أنا شخصياً شايف
إن ده وضع مش لطيف ، ده احنا يا بنتي على أيامنا كان لا يمكن البنت
تتأخر بره البيت عن الساعة أربعة صباحاً ، طب ده باباها كان ممكن
ساعتها يخاصمها
الحفيدة : ده انتوا كنتوا متزمتين خالص ياجدو!!
الجد : يا بنتي إحنا اتربينا على الأخلاق والفضيلة والعادات
والتقاليد .. يعني كان الواحد مننا زمان لما يدخل الأسانسير ويلاقي
جاره في الأسانسير ممكن يفكر يصبح عليه ، ومش بعيد كان يسأله عن
أحواله ... وكانوا أهل الفن محتشمين جداً وكانوا دايماً يطلعوا
بالمايوهات البيكيني ، والمذيعات كانوا يقعدوا جنب الضيف مش على
ركبته زي دلوقتي... هيـ يـ يـ يـ ـه الله يرحم دي أيام
الحفيدة : رايح فين يا جدو
الجد : أصلي كنت موصي الجزار على اتنين كيلو لحمة وأعطيته ثلاثة
آلاف جنيه عربون وعايز أروح أطمن إذا كانت اللحمة وصلت ولا لأ؟؟؟؟
ربنا يستر على الأيام الجاية محدش عارف مخبيالنا إية...
الجد : يا بنتي أنا راجل دقة قديمة وبالبس زي ما جيلنا اتعود وحسب التقاليد القديمة بتاعتنا
الحفيدة : أيوه بس مش حاسس إنك مخنوق وانت لابسه؟
الجد : أبداً ده هو ده اللبس المحتشم اللي مفروض الكل يلبسه
ويحافظ عليه .. فين أيام زمااااااان لما كنا نلبس البدي اللي مبين البطن
والظهربس، مع البنطلون السترتش الجلد والجوانتي الجلد... كانت حاجة
آخر روشنة
الحفيدة : ياه يا جدو .. ده انتوا كان ليكم تقاليد غريبة خالص
الجد : وهو انتي فاكرة إن أيامكم دي أيام؟ يا بنتي أيامكو دي ما
يعلم بيها إلا ربنا .. فين أيام سنة 2008م ، هو الواحد فينا كان
يستجري يشرب سيجارة البانجو ولا يسحب له سطر بودرة قدام أبوه؟ طب ده
الدنيا كانت تتقلب ساعتها وما تتعدلش .. أمال إيه .. كان فيه حاجة
اسمها أخلاق
الحفيدة : معقول يا جدو؟ للدرجة دي؟؟
الجد : أمال انتي فاكرة إيه .. وبعدين كانت الست من دول ما تلبسش
اللبس الخليع بتاع اليومين دول .. يعني الجيبة كان لا يقل طولها عن
شبر ونص .. وكانوا الستات يلبسوا فوقيها بلوزة باستمرار ..مش زي دلوقتي
الحفيدة : يا خبر .. وإيه كمان ياجدو
الجد: ح أقول لك إيه ولا إيه .. يعني خدي عندك مثلاً .. زمان كنا
نسمع الطرب الأصيل لمطربين حقيقيين زي مصطفى قمر ، وعمرو دياب ،
وكانت الأغنية مدتها أكثر من دقيقتين متواصلين من الطرب الأصيل
والسريعة الروشة اللي تعمر النافوخ بصحيح كانوا مطربين روشين طحن
وكله كوم والست كوم تاني
الحفيدة: ومين الست دي يا جدو؟؟؟
الجد: في حد مايعرفش الست...نانسي عجرم طبعا
الحفيدة : وبعدين
الجد : وبعدين كنا نسمع على حاجة اسمها اسطوانات ليزر ، ودي صحيح
انقرضت ، بس
كان ليها طعم عن دلوقتي ، يا سلام لما كنا نحطها في الووكمان ونعلقه
في حزام البنطلون ونمشي في الشارع كده ولا ال أم بى ثرى وال أم بى فايف ،، كانت أيام جميلة
الحفيدة : حكاويك ممتعة قوي يا جدو .. ثانية واحدة بس لما أصحي
سوسو صاحبي
لأنه بايت معايا في الأودة من امبارح ..
)بعد عشر دقائق) هيه يا جدو .. وبعدين
الجد : أحلى أيام بقى كانت أيام الدراسة ، الفصل كان على أيامنا
رايق وعدد التلاميذ فيه ما يزيدش عن ستين سبعين تلميذ ، وكنا ساعتها
بنعرف نفهم الدرس كويس مش زي دلوقتي ، وكانت الشوارع أيامها فاضية
لأن مصر كلها كان تعدادها 70 مليون مش أكثر ، تخيلي بقى الروقان
اللي كنا فيه؟الحفيدة : 70 مليون بس؟
الجد : أمال إيه .. علشان كده كانت كل حاجة رخيصة ، يعني مثلاً
كيلو اللحمة يوم ما يضربه الدم كان يبقى بخمسة وعشرين جنيه أو بخمسة
وتلاتين جنيه ، وكان أتخن جوز جزمة بمتين وخمسين جنيه ، وكان الواحد
يقدر يشتري شقة تمليك بـ 350 الف جنيه بس .. وكان الدولار بستة جنيه
بس تخيلي بقى؟
الحفيدة : ما هو علشان كده كان الجواز على أيامكم كان سهل خالص
الجد : أمال .. ده احنا الواحد مننا كان بمجرد ما يوصل سن 35 سنة
يبتدي يفكر في الجواز على طول ، وما كانش عندنا الأفكار الغريبة
اللي بتعملوها دلوقتي زي إن البنت تقعد مع الولد كام سنه قبل الجواز
علشان يتعرفوا على بعض أكثر زيك انتي وسوسو صاحبك ، أنا شخصياً شايف
إن ده وضع مش لطيف ، ده احنا يا بنتي على أيامنا كان لا يمكن البنت
تتأخر بره البيت عن الساعة أربعة صباحاً ، طب ده باباها كان ممكن
ساعتها يخاصمها
الحفيدة : ده انتوا كنتوا متزمتين خالص ياجدو!!
الجد : يا بنتي إحنا اتربينا على الأخلاق والفضيلة والعادات
والتقاليد .. يعني كان الواحد مننا زمان لما يدخل الأسانسير ويلاقي
جاره في الأسانسير ممكن يفكر يصبح عليه ، ومش بعيد كان يسأله عن
أحواله ... وكانوا أهل الفن محتشمين جداً وكانوا دايماً يطلعوا
بالمايوهات البيكيني ، والمذيعات كانوا يقعدوا جنب الضيف مش على
ركبته زي دلوقتي... هيـ يـ يـ يـ ـه الله يرحم دي أيام
الحفيدة : رايح فين يا جدو
الجد : أصلي كنت موصي الجزار على اتنين كيلو لحمة وأعطيته ثلاثة
آلاف جنيه عربون وعايز أروح أطمن إذا كانت اللحمة وصلت ولا لأ؟؟؟؟
ربنا يستر على الأيام الجاية محدش عارف مخبيالنا إية...
hoss65- فنان راقى جدا
- عدد الرسائل : 3219
العمر : 59
البلد : جده
رقم العضوية : 419
تاريخ التسجيل : 25/12/2007
رد: حوار عام 2040 ....بين الجد والحفيدة
من طرف نور الاسلام الأحد فبراير 24, 2008 5:33 pm
عندك حق يا استاذ حسام
ربنا يستر
ربنا يستر
نور الاسلام- فنان ملكى
- عدد الرسائل : 17277
العمر : 34
البلد : اسالوا كل الناس مين هم اجدع ناس
رقم العضوية : 3
اللقب : اصغر مدرسه
الدولة :
تاريخ التسجيل : 07/07/2007 -
رد: حوار عام 2040 ....بين الجد والحفيدة
من طرف بطاطس الأحد فبراير 24, 2008 5:38 pm
هههههههههههههههههههههههههههههه
معاك حق والله يا استاذ حسام
شكرا
معاك حق والله يا استاذ حسام
شكرا
بطاطس- قمه عالم الفن
- عدد الرسائل : 5558
العمر : 34
البلد : اسكندرية
رقم العضوية : 9
تاريخ التسجيل : 19/04/2007
رد: حوار عام 2040 ....بين الجد والحفيدة
من طرف MASTER الأحد فبراير 24, 2008 5:46 pm
ههههههههههههههههههههههه
يا نهار اخضر
والله الواحد مش عارف هيحصل ايه ساعتها
ربنا يستر
يا نهار اخضر
والله الواحد مش عارف هيحصل ايه ساعتها
ربنا يستر
MASTER- فنان مع مرتبت الشرف
- عدد الرسائل : 746
رقم العضوية : 520
تاريخ التسجيل : 07/02/2008
رد: حوار عام 2040 ....بين الجد والحفيدة
من طرف NOHO77 الأحد فبراير 24, 2008 6:01 pm
هههههههههههههههههههههه
على قد ما دمها خفيف على قد ما بتخوفنا فعلا من الايام الجايه ربنا يستر
على قد ما دمها خفيف على قد ما بتخوفنا فعلا من الايام الجايه ربنا يستر
NOHO77- فنان متقدم
- عدد الرسائل : 162
رقم العضوية : 536
اللقب : اجمل احساس
تاريخ التسجيل : 16/02/2008
رد: حوار عام 2040 ....بين الجد والحفيدة
من طرف عروسة الاطلس الأحد فبراير 24, 2008 6:11 pm
مش حرام عليك يا استاد حسام تعيشنا في الكابوس دة كفاية الي احنا شايفينو دي الوقت
د البنت بقت عريانة مش لابسة غير شوية حاجات بتاع اختها الي اصغر منها بعشر سنين
والولد يا خرابي على الولد هدومو كلها نازلة هو مفيش حزام بيتباع دي الوقت ولا ايه
ربنا يسترها معانا بقينا ماشيين في دنيا الكباريهات كلو متزوق وكلو عريان ربنا يستر
كلامك عين العقل يا استاد حسام
د البنت بقت عريانة مش لابسة غير شوية حاجات بتاع اختها الي اصغر منها بعشر سنين
والولد يا خرابي على الولد هدومو كلها نازلة هو مفيش حزام بيتباع دي الوقت ولا ايه
ربنا يسترها معانا بقينا ماشيين في دنيا الكباريهات كلو متزوق وكلو عريان ربنا يستر
كلامك عين العقل يا استاد حسام
عروسة الاطلس- فنان نشيط
- عدد الرسائل : 220
اللقب : سحر القمر
تاريخ التسجيل : 25/01/2008
رد: حوار عام 2040 ....بين الجد والحفيدة
من طرف hoss65 الأحد فبراير 24, 2008 6:31 pm
سعيد بمروركم وردودكم
الف شكر لكم جميعا نورتوا الموضوع
وربنا يستر فعلا سيأتى وقت يكون القابض فية على دينة مثل القابض على الجمر
الهم اشملنا جميعا برحمتك نحن وأولادنا وأحفادنا
الف شكر لكم جميعا نورتوا الموضوع
وربنا يستر فعلا سيأتى وقت يكون القابض فية على دينة مثل القابض على الجمر
الهم اشملنا جميعا برحمتك نحن وأولادنا وأحفادنا
hoss65- فنان راقى جدا
- عدد الرسائل : 3219
العمر : 59
البلد : جده
رقم العضوية : 419
تاريخ التسجيل : 25/12/2007
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى