ليله بكي فيها القمر

من طرف romario11 الجمعة فبراير 29, 2008 4:57 pm

في ليله بكي فيها القمر ........ يوم ما ظلموني كل البشر
يوم ما لعب بيا القدر ........ وباعني حبيبي وسابني وهجر
وخلاص القلب تعب والحب انتحر
مات علي ايدين قلوب زي الحجر ........ والجرح جوايا بركان وانفجر
تعبت اشواقي ... نامت افراحي ... وصحيت جراحي .. والقلب انكسر
انا للعذاب امير .. وجوايا الحزن انتشر
في ليله بكي فيها القمر
مشيت بقلبي عليل ...... ادور سنين ع الفرح
ماشي وليلي طويل...... والقلب اتخان وانجرح
في الدنيا عابر سبيل ... بسكين الغدر اندبح
والدمع من العين يسيل ... والقلب للحزن انفتح
في ليله بكي فيها القمر
بكيت معاه ليالي طووووويله ........ لفيت معاه الدنيا ف يوم وليله

دموعه غاليه علينا .. بتحرك دمع عنينا
بتصحي الاوجاع جوانا .. بتفكرنا بجرح هوانا
حزن العالم كله مالينا ... ولاحدش بيفكر فينا
ماشيين واهو ماشي معانا ... حزن وملازم غنانا
القمر تعبان ويانا ... والخيانه مصاحبه خطانا
في ليله بكي فيها القمر
غدر بينا زمانا ...... دمع العين بقي عنوانا ..
قولنا هنعيش مع بعض في جنه .. ضحك علينا خلاص واهو خانا
ولا يوم صعبت عليه احزانا
ولا حتي شاركنا في افراحنا .... كل اللي عمله انه جرحنا
سن سلاحه ودبحنا ... لا بعدنا عنه ولا ارتحنا
ولا ريح نفسه وريحنا

هانت عليه ايام وسنين ... كلها اشواق وغرام وحنين
داس علي قلبي وسابني حزين.. ولا شوفتش منه غير ألم وأنين
بشكي لربي ... ولغيره انا هشكي لمين ...
وهو عالم بيا وهو المعين ...
ماشي طريقي ولا عارف انا رايح فين
نادم علي ايام وسنيين ... وحاجات كنا بيها حالمنيين
ضاعوا مع ناس خاينيين .. قتلوا الود والحنيين
لابسين توب العاشقين
عيون غشاشين
قلوب غدارين
ايدين دباحين
وأدي قلبي عني انفصل ........
وادي كل اللي حصل........
لما طلت علينا ليله ....
.......... ليله بكي فيها القمر .........

من طرف **الدوحة** الجمعة فبراير 29, 2008 5:05 pm

ماشي وليلي طويل...... والقلب اتخان وانجرح
في الدنيا عابر سبيل ... بسكين الغدر اندبح
والدمع من العين يسيل ... والقلب للحزن انفتح
في ليله بكي فيها القمر

الله عليك
كلام جميل جدا
ومؤثر

ليله بكي فيها القمر

ليله بكي فيها القمر

رد: ليله بكي فيها القمر