موضوعى الوحيد فالمنتدى

اولا السلام عليكم ورحمه الله وبركاته
ثانياالحمد لله انى لقيت كم كبير من اصحابى هنا
يمكن فى ناس متعرفنيش من المنتدى ده

لان ده اول مشاركه ليا
بس انا بسلم على كل اللى يعرفونى هنا بدايه من حوده اللى جابنى هنا بالصدفه لقيت ميله عندى ضيفته وقالى اجى اسلم عليكو هنا قبل مامشى
فالحقيقه انا مسافر اعمل دبلومه فى جامعه بون وهتاخد منى سنه وانا لازم اخدها عشان اكمل فالشغل ده غير انها بتيح فرص عمل جميله جدا لدرجه ان زميلى جاله شغل بمليون دولار فالسنه فالعراق
طبعا انا مليش دعوه بالعراق والكلام ده انا راجع مصر تانى ولشركتى بعد مالسنه ده تفوت
مجرد امتحن وارجع هوا
ويا ريت يا ريت تفتكرونى بالخير
وتدعولى لان سمعت من اخر واحد هناك انه بيتقال على المسلمين اللى بيحافظو على دينهم هناك افظع الاتهامات من حيث الاخلاق
ويا ريت لو حد سافر قبل كده بره فتره طويله يدينى خبرته قبل ماسافر
والسلام عليكم ورحمه الله وبركاته

ترجعلنا بالف سلامه يا منتحر
واطمن بندعيلك

ربنا معاك ويسبتك وتقدر توصل لطموحك

السلام عليكم أخى الحبيب مهندس
كم أنا فى غاية السعادة أنى التقيت بك هنا
ربنا يبارك فيك يارب
وصيتى لك قبل أتنتقل من مصر الى دولة أخرى للعلم أن تستحضر هنا نية طلب العلم حتى تفيد به المسلمين ابتغاء مرضاة الله.
ثانيا :عند ركوبك للطائرة أو أى وسيلة مواصلات أن تذكر دعاء السفر حتى يكون ذكر الله هو خير معين لك على عناء السفر لأن السفر قطعة من العذاب.
ثالثا :أن تلتزم بقواعد الاسلام فى أى مكان سواء فى تعاملاتك أو فى الاشياء الخاصة بك حتى تنقل الى الغرب أفضل صورة عن الاسلام .
رابعا:الحرص على آداء الفرائض فى أوقاتها واحرص على ألا يفوتك منها فرضا واحدا.
خامسا:الحرص على مصاحبة الصحبة الصالحة والابتعاد عن الصحبة السيئة.
سادسا:عدم النظر الى ماحرم الله عزوجل .
سابعا :الابتعادعن الفتن والشهوات.
ثامنا : التركيز تحضير المادة العلمية ومذاكرتها جيدا.
طبعا يا أخى المهندس لسة فيه وصايا أكتر من كده لكن أنا أكتفى بهذا القدر خشية الاطالة
وأخيرا
ربنا يوفقك ويذلل لك الصعاب وهون عليك مشقة السفر ويحفظك من كل سوء..
اللهم آمين

تروح وترجع بالف سلامة

شيد حيلك وربنا ينولك اللى فى بالك

اهئ اهئ اهئ
منتحر مسافر وانا اتخانق مع مين يعنى حمادة لوحده يا عينى هيتعب معايا اوى وااااااء ...طيب هضحى بالخناقة واقولك مستقبلك يهمنا كلنا ربنا يوفقك وتحقق كل اللى انت عايزه وترجعلنا بالرخامة (بالسلامة ) خلى بالك من نفسك وربنا معااااااك