ليه مفيش صراحة من الاول

من طرف امير الاتحاد الجمعة أغسطس 10, 2007 6:18 pm

ليه دايما الشباب والبنات بيشتغله بعض بالذات فى موضوع الحب ليه بيرسمو على بعض انهم بيحبه بعض وفى كتير طبعا بيحبه بعض بحق وحقيقى لاكن للاسف الاكتر اللى مش بيحبو بعض وطبعا بالذاتن فى الكليات اللى بقا شىء روتينى ان الشاب لاذم يكون معاه بنت والبنت لاذم يكون معاها ولد وهما الاتنين بيشتغلو بعض ويرسمو دور الحب على بعض ويبدا دور التمثيل من الولد

إنتى البنت إللى فى خيالى نفس الشعر و نفس العينين و نفس الطول و ..." دى أول جملة الولاد بيقولوها للبنات فى بداية إشتغالاتهم لبعض و طبعا بيكون رد البنات "إنت فارس أحلامى ناقصك حصان و خوذة و تبقى صورة طبق الأصل للواد إللى باحلم بيه" الحياة بتفضل طبيعية لمدة شهر تقريبا فى كل مقابلة الولد بيحلق دقنه و بيمسح الجزمة و يغسل سنانه و يكوى هدومه و البنت بتسرح شعرها و تحط ميك اب و بتلبس هدوم شيك و لكن بعد مرور الشهر إياه كل واحد بيزهق من التانى .. الولد بيرجع للكورة و لعب الاستيميشن و قعدة القهوة و البنت بترجع لصاحباتها و النميمة و الفرجة على التليفزيون و الرقص فى أوضة النوم و بعد ما كان حاطط لها نغمة "قصاد عينى" بقى يحطلها نغمة "كلهم بيقولوا كده فى الأول" ، السبب الحقيقى للمشاكل دى إن كل واحد بيزهق من التمثيل على التانى و بيبدأ كل واحد يظهر على طبيعته ، الولد بقى بيتأخر على معاده مع البنت ساعة و بيروح يلاقيها لسه ماجاتش و بينزل ضارب شعره جيل و منعكشه و مربى ذقنه و البنت بتيجى لمه شعرها بتوكة و من غير ميك آب .. و بعد ما كان بيشدلها الكرسى علشان تقعد بقى بينقى الكرسى النضيف و يقعد عليه و بعد ما كانت بتصمم إنها تشرب أى حاجة على مزاجه مابقتش تشرب غير قهوة سادة زى اليوم الإسود إللى مش هيعدى ، العيوب إللى كانت مستخبيه كلها ورا التمثيل بتاع أول شهر حب بتظهر و كل واحد بيقول للتانى انه لازم يتغير علشانه لو بيحبه بعد ما كان الواد بيقولها إنه عارف إن مشكلته انه عصبى و هى ترد عليه مش مهم يا حبيبى أنا هاستحمل و مش هاستفزك و اول ما يتنرفز عليها و شها بيتقلب و الدنيا بتضلم و بتتقمص شخصية منى زكى فى فيلم خالتى فرنسا و هاتك يا ردح و الموضوع كتير بيتطور ليصل إلى إشتباك بالأيدى و طبعا الولد مش هيسكت و البنت هاترجع رابطة عينيها و الولد هيرجع مجبس رجله و بعدين هيرجعوا لبعض تانى ، و لو قعدوا فى المطعم ياكلوا و هو عارف إنها مش بتحب الشطة مثلا هيدلق إزازة الشطة كلها فى الطبق إللى قدامها و هيقولها علشان تتعودى لما نتجوز و طبعا علشان ما تحصلش إصابات زى الحادثة إللى فاتت بتضطر تاكل و لو إتصلت به فى وقت متأخر فى البيت يقولها إقفلى دلوقتى عاوز أنام كلمينى بكره و لو إتصل بيها على الموبايل تقوله بابا قاعد معايا فى الأوضة و تقفل فى وشه السكة ، كل واحد بيكون مصمم إن التانى يتغير علشان يقدروا يكملوا مع بعض و الرد الطبيعى بيكون أنا كده و عمرى ما هاتغير عجبك على كده ماشى .. مش عاجبك كل واحد يروح لحاله ، المشكلة إن كل واحد مش بيصارح إللى بيحبه بكل حاجة بيفتكر إنه لو قال الحقيقة الطرف التانى هيقلبه ، لو بيحبوا بعض صحيح الإثنين هيستحملوا بس المشكلة إن ده كله تمثيل فى تمثيل و لما بيزهقوا كل حاجة بتظهر على حقيقتها
وطبعا ده للاسف بيحصل كتير وسؤالى ليه كل شباب الجامعات والبنات بارضه مش بيكونو على طبيعتهم ليه كله بيرسم على كله ليه الحب بيقل مش بيذيد ليه مفيش حب حقيقى ذى الاول ليه كل ده؟

من طرف سمية الأحد أغسطس 12, 2007 7:04 pm

الصراحة هي اساس الحياة و منهج الانسان في مسيرته الحياتية لدلك فادا تخلينا عليه فنحن نتخلى على حياتنا
شكرا على الموضوع

من طرف **بطاطس** الأحد أغسطس 12, 2007 11:16 pm

انا متفق مع سميه

بس لازم يكون الحب حقيقى مش اى كلام

من طرف hamada066 الثلاثاء أغسطس 14, 2007 7:48 am

صراحة أيه

أكيد لما الصراحة تكون متعبة لازم يكون فيه شوية سياسة

اللى انت بتتكلم عليهم دول قصدهم يتسلوا وبس
يعنى الولد يمشى ويصاحب بس عند الزواج واقف
لا انا مش بتاع زواج وان اتجوزت هتجوز واحده ممشتش معاها
طيب كلام عاقل اوى بس البنات التانيه تمرمطها معاك ليه
والبنات بيصاحبوا ولاد ليه البنات كتير
يا بنتى خافى على نفسك

شكرا على ردودكم الجميلة

من طرف hamada066 الثلاثاء أغسطس 14, 2007 11:12 am

العيوب بتظهر لأن العلاقة من البداية غلط
لم يأتي بها الإسلام
الإسلام لم ينادي في يوم من الأيام بالإختلاط بين الرجل و المرأة
أو أن الولد و البنت يخرجوا مع بعض لواحدهم سواء كانوا مخطوبين أم لا سواء بعلم أهلم أم لا
و لكن للأسف تغيرت المعايير و القيم .... نادرا ما إن نجحت أي علاقه من هذه العلاقات الوهمية
لكن المشكلة فيما بعد .... عندما يرتبط الولد و البنت حقيقتا بأشخاص آخرين
طبعا سيواجه متاعب أنه قد تعود على عدم الصراحة و أنه يبدأ أو هي تبدأ في بناء بيته أو بيتها على خداع و كذب منذ البداية كما تعودت من قبل و يؤدي لإنهيار البيت قبل بناءة

ليه مفيش صراحة من الاول

ليه مفيش صراحة من الاول

رد: ليه مفيش صراحة من الاول

رد: ليه مفيش صراحة من الاول

رد: ليه مفيش صراحة من الاول

رد: ليه مفيش صراحة من الاول

رد: ليه مفيش صراحة من الاول

رد: ليه مفيش صراحة من الاول